കോഴിക്കോട്: സമസ്ത കേരള സുന്നി മഹല്ല് ഫെഡറേഷനും ജംഇയ്യത്തുല്‍ ഖുത്വബായും സംയുക്തമായി 'വെള്ളം സര്‍വ്വതില്‍ പ്രധാനം' എന്ന പ്രമേയത്തില്‍ നടത്തുന്ന ജല കാംപയിനിന്റെ ഭാഗമായി ലോക ജലദിനമായ ഇന്ന് വെള്ളിയാഴ്ച പള്ളികളില്‍ ഉദ്‌ബോധനവും മഹല്ല് കേന്ദ്രീകരിച്ച് കുടിവെള്ള വിതരണ പദ്ധതികള്‍ക്ക് തുടക്കം കുറിക്കുകയും ചെയ്യും. പരിപാടി വിജയിപ്പിക്കാന്‍ മഹല്ല് കമ്മിറ്റികളും ഖത്വീബുമാരും രംഗത്തിറങ്ങണമെന്ന് എസ്.എം.എഫ് സംസ്ഥാന പ്രസിഡന്റ് സയ്യിദ് ഹൈദരലി ശിഹാബ് തങ്ങള്‍, ജന. സെക്രട്ടറി ചെമ്മുക്കന്‍ കുഞ്ഞാപ്പു ഹാജി, ജംഇയ്യത്തുല്‍ ഖുത്വബാ സംസ്ഥാന പ്രസിഡന്റ് കൊയ്യോട് ഉമര്‍ മുസ്‌ലിയാര്‍, ജന. സെക്രട്ടറി നാസര്‍ ഫൈസി കൂടത്തായി എന്നിവര്‍ അഭ്യര്‍ഥിച്ചു.