മലപ്പുറം: റോഡ് സുരക്ഷയെക്കുറിച്ചു വിദ്യാര്‍ഥികളില്‍ അവബോധമുണ്ടാക്കാന്‍ റോഡ് ആക്‌സിഡന്റ് ഫോറം മോട്ടോര്‍ വാഹന വകുപ്പുമായി സഹകരിച്ച് റോഡ് സുരക്ഷാ സെമിനാര്‍ നടത്തി. എസ്.എസ്.ല്‍.സി, പ്ലസ്ടു പരീക്ഷകളില്‍ മുഴുവന്‍ വിഷയങ്ങള്‍ക്കും എപ്ലസ് നേടിയ വിദ്യാര്‍ഥികള്‍ളെ ഉപഹാരം നല്‍കി അനുമോദിച്ചു. തിരൂര്‍ ജെ.എം ഹയര്‍സെക്കന്‍ഡറി സ്‌കൂളില്‍ നടന്ന സെമിനാര്‍ എ.ഡി.എം വി. രാമചന്ദ്രന്‍ ഉദ്ഘാടനം ചെയ്തു.
റോഡ് ആക്‌സിഡന്റ് ഫോറം സംസ്ഥാന പ്രസിഡന്റ് കെ.എം അബ്ദു അധ്യക്ഷനായി. മലപ്പുറം റീജ്യണല്‍ ട്രാന്‍സ്‌പോര്‍ട്ട് ഓഫിസര്‍ കെ.സി മാണി മുഖ്യപ്രഭാഷണം നടത്തി. റോഡ് സുരക്ഷാ ബോധവത്ക്കരണ ലഘുലേഖകളുടെ വിതരണോദ്ഘാടനം ജില്ലാ ഇന്‍ഫര്‍മേഷന്‍ ഓഫിസര്‍ സി. അയ്യപ്പന്‍ നിര്‍വഹിച്ചു.