ന്യൂഡല്‍ഹി: നാളെ മുതല്‍ 200 സ്‌പെഷ്യല്‍ ട്രെയിനുകള്‍ സര്‍വിസ് നടത്തുമെന്ന് റെയില്‍വേ. ആദ്യ ദിവസം 1.45 ലക്ഷം യാത്രക്കാര്‍ ട്രെയിന്‍ സര്‍വിസ് ഉപയോഗപ്പെടുത്തും. മുന്‍കൂര്‍ ബുക്കിങ്ങായി ജൂണ്‍ ഒന്നുമുതല്‍ 30 വരെ 26 ലക്ഷം ആളുകളാണ് ടിക്കറ്റ് ബുക്ക് ചെയ്തത്.

കുടിയേറ്റ തൊഴിലാളികളെ കൊണ്ടുപോകാനുള്ള ശ്രമിക് ട്രെയിനുകള്‍ക്ക് പുറമേ ജൂണ്‍ ഒന്നുമുതല്‍ സര്‍വിസ് നടത്തുന്ന ട്രെയിനുകളുടെ എണ്ണം വര്‍ധിപ്പിക്കും.സ്‌പെഷ്യല്‍ ട്രെയിനില്‍ യാത്ര ചെയ്യാന്‍ ടിക്കറ്റ് ബുക്ക് ചെയ്തവര്‍ യാത്രയ്ക്ക് ഒന്നര മണിക്കൂര്‍ മുമ്പ് സ്റ്റേഷനില്‍ എത്തണം.

കണ്‍ഫേം അല്ലെങ്കില്‍ ആര്‍.എ.സി ടിക്കറ്റ് ഉള്ളവര്‍ക്ക് മാത്രമേ സ്‌റ്റേഷനിലേക്ക് പ്രവേശിക്കാനുള്ള അനുവാദം. സ്റ്റേഷനില്‍ എത്തുന്നവരെ പരിശോധനയ്ക്ക് വിധേയരാക്കും. രോഗലക്ഷണങ്ങള്‍ ഇല്ലാത്തവരെ മാത്രമേ യാത്ര ചെയ്യാന്‍ അനുവദിക്കുകയുള്ളൂവെന്നും റെയില്‍വേ അറിയിച്ചു.