വടകര: ദേശീയപാതയില്‍ ബൈക്കില്‍ ലോറിയിടിച്ച് ദമ്പതികള്‍ക്ക് ദാരുണാന്ത്യം. ചാത്തമംഗലം മലയമ്മ കരിയാത്ത്കുന്നുമ്മല്‍ നൗഫല്‍ (26) ഭാര്യ ഓമശ്ശേരി പട്ടിണിച്ചാലില്‍ മുബഷിറ (19) എന്നിവരാണ് മരിച്ചത്. ആറുമാസം മുന്‍പാണ് ഇവരുടെ വിവാഹം കഴിഞ്ഞത്. മുബഷിറയുടെ സഹോദരന്റെ വിവാഹ ആവശ്യത്തിനായി വടകരയില്‍ നിന്നും വസ്ത്രങ്ങളെടുക്കാന്‍ എത്തിയതായിരുന്നു ഇവര്‍. ഇന്നലെ രാത്രി ഒന്‍പത് മണിയോടെ പുതിയ ബസ് സ്റ്റാന്‍ഡിനു സമീപം കൃഷ്ണകൃപ ഓഡിറ്റോറിയത്തിനു മുന്നിലാണ് സംഭവം. ഇടിച്ചിട്ട ലോറി നിര്‍ത്താതെ പോയെങ്കിലും മൂരാട് വച്ച് നാട്ടുകാര്‍ പിടികൂടി. വേളം കോമത്ത് സൂപ്പി മുസ്‌ലിയാരാണ് മുബഷിറയുടെ പിതാവ്. മാതാവ്: കൊടുവള്ളി ആലിന്‍തറ പട്ടിണിച്ചാലില്‍ സൈനബ. സഹോദരങ്ങള്‍: മുഹമ്മദ്, സുഹൈല. നൗഫലിന്റെ പിതാവ് കരിയാത്ത്കുന്നുമ്മല്‍ മുഹമ്മദ്കുട്ടി. മൃതദേഹങ്ങള്‍ വടകര ജില്ലാ ആശുപത്രി മോര്‍ച്ചറിയില്‍.