കൊച്ചി: വിഷു ഈസ്റ്റര്‍ ആഘോഷങ്ങളുടെ ഭാഗമായി ജില്ലാ ടൂറിസം പ്രമോഷന്‍ കൗണ്‍സിലും ഭാരത് ഭവനും ചേര്‍ന്ന് സംഘടിപ്പിച്ച നാനാത്വത്തില്‍ ഏകത്വം സാംസ്‌കാരിക സായാഹ്നം മേയര്‍ സൗമിനി ജയിന്‍ ഉദ്ഘാടനം ചെയ്തു.
ഇന്ത്യയുടെ സാംസ്‌കാരിക വൈവിധ്യം രവിവര്‍മ്മ ചിത്രങ്ങളുടെ ദൃശ്യാവിഷ്‌കാരത്തിലൂടെ കലാകാരന്‍മാര്‍ അവതരിപ്പിച്ചു. മിഴാവ് മേളം, നൃത്തസന്ധ്യ എന്നിവയും അരങ്ങേറി.
ഹൈബി ഈഡന്‍ എം.എല്‍.എ അധ്യക്ഷത വഹിച്ചു. ജോണ്‍ ഫെര്‍ണാണ്ടസ് എം എല്‍ എ, ജില്ലാ കളക്ടര്‍ മുഹമ്മദ് വൈ സഫിറുള്ള, കൗണ്‍സിലര്‍ കെ വി പി കൃഷ്ണകുമാര്‍, ഡിടിപിസി എക്‌സി.കമ്മിറ്റി അംഗങ്ങളായ പി.ആര്‍ റെനീഷ്, പി.എസ് പ്രകാശന്‍, എസ് സതീഷ്, സെക്രട്ടറി പി.ജി.ശിവന്‍, പ്രമോദ് പയ്യന്നൂര്‍ എന്നിവര്‍ പ്രസംഗിച്ചു.