ചേന്ദമംഗല്ലൂര്‍: ജൈവകര്‍ഷകരുടെ ശാക്തീകരണത്തിന്റെ ഭാഗമായി ചേന്ദമംഗല്ലൂരില്‍ ചന്ത സംഘടിപ്പിച്ചു.  റസിഡന്റ്‌സ് അസോസിയേഷനുകളുടെ നേതൃത്വത്തില്‍ വിളയിച്ച കാര്‍ഷിക വിളകളും നാടന്‍  ഉത്പന്നങ്ങളുമാണ് ചന്തയിലുണ്ടായിരുന്നത്. ചടങ്ങില്‍  കാര്‍ഷിക രംഗത്തെ മികച്ച സേവനത്തിന് കര്‍ഷകരേയും റസിഡന്റ്‌സ് അസോസിയേഷനുകളേയും ആദരിച്ചു. മുക്കം നഗരസഭാ ചെയര്‍മാന്‍ വി. കുഞ്ഞന്‍ മാസ്റ്റര്‍ ഉദ്ഘാടനം ചെയ്തു. ശഫീഖ് മാടായി, ഗഫൂര്‍ മാസ്റ്റര്‍, അനില്‍ മാസ്റ്റര്‍, ബന്ന ചേന്ദമംഗല്ലൂര്‍, കെ. സുബൈര്‍, രാമചന്ദ്രന്‍, രാജന്‍ മാമ്പറ്റ, പി.കെ ഖാദര്‍, ഒ. ശരീഫുദീന്‍ സംസാരിച്ചു.