കാബൂള്‍: അഫ്ഗാനിസ്ഥാനിലുണ്ടായ ചാവേര്‍ ആക്രമണത്തില്‍ പത്ത് സിഖ് വംശജര്‍ ഉള്‍പ്പെടെ 19 പേര്‍ കൊല്ലപ്പെട്ടു. 20 പേര്‍ക്ക് പരുക്കേറ്റു. 

കിഴക്കന്‍ നഗരമായ ജലാലാബാദിലാണ് ആക്രമണമുണ്ടായത്. മുഖാബറത്ത് സക്വയറിന് സമീപമാണ് ആക്രമണുമുണ്ടായതെന്നും സംഭവത്തില്‍ സമീപത്തെ കടകള്‍ക്കും കെട്ടിടങ്ങള്‍ക്കും കേടുപാടുകള്‍ സംഭവിച്ചുവെന്നും പ്രവിശ്യ ഗവര്‍ണറുടെ വക്താവ് അതാഉല്ല കോഗ്യാനി പറഞ്ഞു.
ജലാലാബാദിന്റെ തലസ്ഥാനമായ നാന്‍ഗര്‍ഹറിലെ ആശുപത്രി പ്രസിഡന്റ് അഷ്‌റഫ് ഗനി ഉദ്ഘാടനം ചെയ്ത മണിക്കൂറുകള്‍ക്കുള്ളിലാണ് ബോംബാക്രമണമുണ്ടയത്.
പ്രസിഡന്റിനെ സന്ദര്‍ശിക്കാനായി പോവുന്ന സിഖ് വിഭാഗത്തിന്റെ വാഹനങ്ങളെ ലക്ഷ്യമാക്കിയാണ് ആക്രമണമുണ്ടായതെന്ന് നാന്‍ഗര്‍ഹര്‍ പൊലിസ് തലവന്‍ സനായി സ്റ്റാന്‍കസി പറഞ്ഞു.