തിരുവനന്തപുരം: വഞ്ചിയൂരില്‍ റോഡ് കെട്ടിയടച്ച് സി.പി.എം ഏരിയാ സമ്മേളനത്തിന് വേദിയൊരുക്കിയതിനെ ഹൈക്കോടതി രൂക്ഷമായി വിമര്‍ശിച്ചതിന് പിന്നാലെ സെക്രട്ടറിയേറ്റിന് മുന്നിലെ ഗതാഗതം തടസ്സപ്പെടുത്തി സി.പി.ഐ അനുകൂല സംഘടനകളുടെ രാപ്പകല്‍ സമരം. സംഭവത്തില്‍ പൊലിസ് കേസെടുത്തു. 

ജോയിന്‍ കൗണ്‍സില്‍ ഓഫ് സ്റ്റേറ്റ് സര്‍വീസ് ഓര്‍ഗനൈസേഷന്‍സ് സമ്മേളനത്തിന്റെ  വേദിയാണ്  റോഡ് കയ്യേറി പന്തല്‍ കെട്ടിയത്. നടപ്പാത കെട്ടി അടച്ചതോടെ കാല്‍നടയാത്രക്കാര്‍ വലഞ്ഞു.റോഡിലേക്ക് ഇറങ്ങി നടന്നതോടെ ഗതാഗതം തടസ്സപ്പെട്ടു.  സിപിഐയുടെ മുതിര്‍ന്ന നേതാവ് പന്ന്യന്‍ രവീന്ദ്രനാണ് സമരം ഉദ്ഘാടനം ചെയ്തത്.

സര്‍ക്കാര്‍ ജീവനക്കാരുടെ അവകാശങ്ങള്‍ക്ക് വേണ്ടിയാണ് ജോയിന്റ് കൗണ്‍സിലിന്റെ സമരം. വാഹനങ്ങള്‍ നിയന്ത്രിക്കാന്‍ പൊലിസുകാര്‍ ആരുംതന്നെ സ്ഥലത്തുണ്ടായിരുന്നില്ല. ഇതിനിടെ മറ്റൊരു സംഘടനയുടെ റാലി കൂടി ഇതുവഴി കടന്നുവന്നതോടെ ഗതാഗതം പൂര്‍ണമായും തടസ്സപ്പെട്ടു.