തെഹ്‌റാന്‍: ഇറാന്‍ പ്രസിഡന്റ് തെരഞ്ഞെടുപ്പില്‍ മത്സരിക്കാന്‍ ഇത്തവണ അപേക്ഷിച്ചത് 1,600 പേര്‍. നിലവിലെ പ്രസിഡന്റ് ഹസ്സന്‍ റൂഹാനി, മുന്‍ പ്രസിഡന്റ് മഹ്മൂദ് അഹ്മദ് നജാദ്, കണ്‍സര്‍വേറ്റിവ് നേതാവായ ഇബ്രാഹിം റെയ്‌സി എന്നിവരാണ് മത്സരിക്കാന്‍ പേര് രജിസ്റ്റര്‍ ചെയ്തവരില്‍ പ്രമുഖര്‍.
മെയ് 19നാണ് ഇറാനില്‍ പ്രസിഡന്റ് തെരഞ്ഞെടുപ്പ് നടക്കുന്നത്. സ്ഥാനാര്‍ഥികള്‍ക്ക് പേര് രജിസ്റ്റര്‍ ചെയ്യാനുള്ള അവസരം ശനിയാഴ്ച അവസാനിച്ചു. തെഹ്‌റാന്‍ മേയറായ മുഹമ്മദ് ബാഖിര്‍ ഖാലിബാഫ്, ഹസന്‍ റൂഹാനി സര്‍ക്കാരിലെ ആദ്യ വൈസ് പ്രസിഡന്റായ ഇസ്ഹാഖ് ജഹാംഗീരി എന്നിവരും പേര് രജിസ്റ്റര്‍ ചെയ്തിട്ടുണ്ട്.
ഈമാസം 27നാണ് മത്സരിക്കാന്‍ യോഗ്യത നേടിയ സ്ഥാനാര്‍ഥികളുടെ പേരുവിവരങ്ങള്‍ പുറത്തുവിടുക. ഇവര്‍ 28 മുതല്‍ പ്രചാരണം ആരംഭിക്കും.