പാലക്കാട്: കഞ്ചിക്കോട്ടെ വനിതാഹോസ്റ്റലിലെ സെക്യൂരിറ്റി ജീവനക്കാരനും കോഴിക്കോട് സ്വദേശിയുമായ പി.എം ജോണിന്റെ കൊലപാതക കേസിലെ പ്രതിയെ തിരിച്ചറിഞ്ഞു. കഴിഞ്ഞ ദിവസം രാത്രി 12മണിയോടെ ഹോസ്റ്റല്‍ വളപ്പില്‍ കയറിയ പ്രതി ജോണിനെ ഇരുമ്പ് വടി ഉപയോഗിച്ച് തലയ്ക്കടിക്കുന്ന സി.സി.ടി.വി ദൃശ്യങ്ങള്‍ ലഭിച്ചിരുന്നു.
യാക്കര സ്വദേശിയായ ടാക്‌സി ഡ്രൈവറാണ് പ്രതി. ഇയാള്‍ കൊലപാതകത്തിന് ശേഷം തൃശൂരിലേക്ക് കാറോടിച്ച് പോകവെ ലോറിയിലിടിച്ച് പരുക്കേറ്റിരുന്നു. തുടര്‍ന്ന് തൃശൂര്‍ മെഡിക്കല്‍ കോളജ് ആശുപത്രിയില്‍ അബോധാവസ്ഥയില്‍ ചികിത്സയിലാണ്. പ്രതിക്ക് ജോണുമായി വ്യക്തിവൈരാഗ്യം ഉണ്ടായിരുന്നുവെന്നാണ് പൊലിസ് കരുതുന്നത്. എന്നാല്‍ ഇയാളുടെ അറസ്റ്റ് രേഖപ്പെടുത്തിയിട്ടില്ലാത്തതിനാല്‍ പേര് പൊലിസ് വെളിപ്പെടുത്തിയിട്ടില്ല.