ജോധ്പൂര്‍: അമേരിക്കയില്‍ ജോര്‍ജ് ഫ്‌ളോയിഡ് ക്രൂരമായി കൊല്ലപ്പെട്ടതിന് സമാനമായ അക്രമം ഇന്ത്യയിലും. രാജസ്ഥാനിലെ ജോധ്പൂരില്‍ യുവാവിന്റെ കഴുത്തില്‍ കാല്‍മുട്ടുയര്‍ത്തി പൊലിസ് മര്‍ദ്ദിച്ചു. മാസ്‌ക് ധരിച്ചില്ലെന്നാരോപിച്ചാണ് ബല്‍ദേവ് നഗര്‍ സ്വദേശിയായ മുകേഷ് കുമാറിനെയാണ്‌ പൊലീസുകാര്‍ മര്‍ദ്ദിച്ചത്.

പൊതു സ്ഥലത്ത് മാസ്‌ക് ധരിച്ചില്ലെന്ന കാരണത്താല്‍ പൊലീസ് പിഴ ചുമത്തിയിരുന്നു. എന്നാല്‍ മുകേഷ് കുമാര്‍ ഇതില്‍ പ്രതിഷേധിച്ചതോടെയാണ് പൊലീസ് ഇയാളെ മര്‍ദ്ദിച്ചത്.പൊലീസുകാര്‍ മുകേഷ് കുമാറിനെ മര്‍ദ്ദിക്കുന്നതും ഇടിക്കുന്നതും കഴുത്തില്‍ മുട്ടുകൊണ്ടമര്‍ത്തുന്നതുമായ ദൃശ്യങ്ങള്‍ പുറത്തായതോടെ പൊലിസുകാര്‍ക്കെതിരേ നടപടി വേണമെന്ന ആവശ്യം ശക്തമായി.

https://twitter.com/Satyanewshi/status/1268809133827883009

മെയ് 25നാണ് ജോര്‍ജ് ഫ്‌ളോയ്‌ഡെന്ന ആഫ്രിക്കന്‍ അമേരിക്കന്‍ വംശജനെ പൊലീസ് ക്രൂരമായി മര്‍ദ്ദിക്കുന്നത്. കഴുത്തില്‍ കാല്‍മുട്ടമര്‍ത്തിയ പൊലീസുകാരനോട് തനിക്ക് ശ്വാസം മുട്ടുന്നുവെന്ന് ജോര്‍ജ് പറഞ്ഞിരുന്നു. എന്നാല്‍ അതിന് തയ്യാറാകാതിരുന്നതിനാല്‍ ഫ്‌ളോയ്ഡ് മരണപ്പെടുകയായിരുന്നു.