പാറശാല: ധനുവച്ചപുരം വി.ടി.എം.എന്‍.എസ്.എസ് കോളജില്‍ എസ്.എഫ്.ഐ-എ.ബി.വി.പി സംഘര്‍ഷം. അഞ്ചു വിദ്യാര്‍ഥികള്‍ക്കു മര്‍ദനമേറ്റു. ഒന്നാംവര്‍ഷ വിദ്യാര്‍ഥികളായ വിഴിഞ്ഞം സ്വദേശി ശ്യാം (19), കരമന സ്വദേശി ആദര്‍ശ് (19), കോട്ടക്കല്‍ സ്വദേശി വിവേക് (19) എന്നിവര്‍ക്കും രണ്ടാം വര്‍ഷ ബി.എ വിദ്യാര്‍ഥികളായ സൗരവ്, സച്ചിന്‍ എന്നിവര്‍ക്കുമാണു മര്‍ദനമേറ്റത്. ഇന്നലെ ഉച്ചയ്ക്ക് രണ്ടിനാണു സംഭവം.
ഒന്നാം വര്‍ഷ വിദ്യാര്‍ഥികളായ ശ്യാം, ആദര്‍ശ്, വിവേക് എന്നിവരും എസ്.എഫ്.ഐ പ്രവര്‍ത്തകരും തമ്മിലുണ്ടായ അഭിപ്രായഭിന്നതയാണ് സംഘര്‍ഷത്തില്‍ കലാശിച്ചത്. മര്‍ദനത്തില്‍ പരുക്കേറ്റ രണ്ട് എസ്.എഫ്.ഐ പ്രവര്‍ത്തകര്‍ പാറശാല താലൂക്ക്് ആശുപത്രിയില്‍ ചികിത്സയിലാണ്.