മൂവാററുപുഴ: മൂവാററുപുഴ ബി.എസ്.എന്‍.എല്‍ ക്വാര്‍ട്ടേഴ്‌സിനു മുന്നിലുളള സ്ലാബ് നന്നാക്കണമെന്ന ആവശ്യം ശക്തമാകുന്നു. എസ്.എന്‍.റോഡിലെ ബി.എസ്.എന്‍.എല്‍ ക്വാര്‍ട്ടേഴ്‌സിനു മുന്നിലുളള സ്ലാബ് പൊട്ടിപൊളിഞ്ഞുകിടക്കാന്‍ തുടങ്ങിയിട്ട് ആറുമാസത്തി ലധികമായി.
സ്ലാബിനുളളില്‍ വീണ് നിരവധി പേര്‍ക്ക് പരിക്കുകള്‍ പറ്റിയിട്ടും നഗരസഭയുടെ റോഡ് നിര്‍മ്മാണ വിഭാഗം തിരിഞ്ഞ് നോക്കിയിട്ടില്ലെന്ന ആക്ഷേപം ശക്തമാകുകയാണ്. ശ്രീകുമാര ഭജന ദേവസ്വം ക്ഷേത്രം , എസ്.എന്‍.ഡി.പി യൂണിയന്‍ ആഫീസ്, എസ്.എന്‍.ഡി.പി. ഹൈസ്‌ക്കള്‍,ഹയര്‍ സെക്കന്ററി സ്‌ക്കള്‍, എസ്.എന്‍. ബിഎഡ് ആന്റ് എം.എഡ് കോളേജ്, ബിഎസ്എന്‍എല്‍ ക്വോര്‍ട്ടേഴ്‌സ്, സബ് ജയില്‍, കോണ്‍ട്രാക്ടേഴ്‌സ് സഹകരണ സംഘം തുടങ്ങിയ സ്ഥാപനങ്ങളിലേക്കും, നൂറുകണക്കിന് കുടുംബങ്ങളിലേക്കും സ്ഥലങ്ങളിലേക്ക് പോകുന്ന നഗരത്തിലെ പ്രധാനപ്പെട്ട റോഡുകളില്‍ ഒന്നാണ് എസ്.എന്‍. റോഡ്. നിരവധി വാഹനങ്ങളും, സ്‌ക്കൂള്‍ ,കോളേജ് വിദ്യാര്‍ത്ഥികളുള്‍പ്പടെ , ആയിരക്കണക്കിനുപേരാണ് ദിവസവും ഈ റോഡിലൂടെ സഞ്ചരിക്കുന്നത്.