നെടുമ്പാശ്ശേരി:ട്രോളി ബാഗിന്റെ ബീഡിങ്ങിനകത്ത് വയര്‍ രൂപത്തിലാക്കി ഒളിപ്പിച്ച് കടത്താന്‍ ശ്രമിച്ച  709.500 ഗ്രാം സ്വര്‍ണം കസ്റ്റംസ് എയര്‍ ഇന്റലിജന്‍സ് വിഭാഗം പിടികൂടി. ഇന്‍ഡിഗോ എയര്‍ വിമാനത്തില്‍ ദുബായില്‍ നിന്നും എത്തിയ കണ്ണൂര്‍ സ്വദേശി ഹനീഫിന്റെ പക്കല്‍ നിന്നാണ് സ്വര്‍ണ്ണം പിടികൂടിയത്.സ്വര്‍ണ്ണം വയര്‍ രൂപത്തിലാക്കി ബാഗിന്റെ ബീഡിങ്ങിനകത്ത് ഒളിപ്പിച്ചിരിക്കുകയായിരുന്നു.സ്വര്‍ണമാണെന്ന് തിരിച്ചറിയാതിരിക്കാന്‍ ഇതില്‍ സോഡിയം പൂശിയിരുന്നു.കസ്റ്റംസ് ഉദ്യോഗസ്ഥര്‍ക്ക് സംശയം തോന്നിയതിനെതുടര്‍ന്ന് നടത്തിയ വിശദമായ പരിശോധനയിലാണ് സ്വര്‍ണം കണ്ടെത്തിയത്.പിടിച്ചെടുത്ത സ്വര്‍ണത്തിന് 21 ലക്ഷം രൂപ വില വരും.കസ്റ്റംസ് ഡെപ്യൂട്ടി കമ്മീഷണര്‍ ബിജു തോമസിന്റെ നേതൃത്വത്തിലാണ്പരിശോധന നടത്തിയത്.