നാദാപുരം: സ്ഥാനാര്‍ഥി പ്രഖ്യാപനത്തിനു ശേഷംആദ്യമായി നാദാപുരത്തെത്തിയ വടകര മണ്ഡലം സ്ഥാനാര്‍ഥി കെ. മുരളീധരന് പ്രവര്‍ത്തകരുടെ വന്‍ വരവേല്‍പ്പ്. വൈകിട്ട് ആറുമണിയോടെ കല്ലാച്ചി കോര്‍ട്ട് റോഡില്‍ നിന്നും വാദ്യ മേളങ്ങളുടെ അകമ്പടിയോടെ സമ്മേളന നഗരിയിലേക്ക് ആനയിച്ചു.
എം.എസ് .എഫ്. കെ. എസ് . യു പ്രവര്‍ത്തകര്‍ക്കൊപ്പം നൂറുക്കണക്കിന് യു.ഡിഎഫ് പ്രവര്‍ത്തകര്‍ റോഡ് ഷോയില്‍ അണി നിരന്നു. കൃപേശ്, ശരത്‌ലാല്‍ , അരിയില്‍ ഷുക്കൂര്‍, ഷുഹൈബ് എന്നീ പോരാളികള്‍ക്ക് അഭിവാദ്യവും കൊലപാതക രാഷ്ട്രീയത്തിനെതിരെയായ ശക്തമായ താക്കീതും പ്രകടനത്തില്‍ മുഴങ്ങി.
സൂപ്പി നരിക്കാട്ടേരി, കെ. പ്രവീണ്‍ കുമാര്‍, മോഹനന്‍ പാറക്കടവ്, ആവോലം രാധാകൃഷ്ണന്‍, കെ.എം രഘുനാഥ്, സി.വി കുഞ്ഞികൃഷ്ണന്‍, എം.പി സൂപ്പി, പി.കെ ദാമു, മണ്ടോടി ബഷീര്‍, വി.വി മുഹമ്മദലി, നേതൃത്വം നല്‍കി.