കൊപ്പം: പറക്കാട് കോളനിപ്പടിയിലെ കള്ള്ഷാപ്പിനെതിരായ ജനകീയ പ്രക്ഷോഭത്തിന് ഐഖ്യദാര്‍ഢ്യം പ്രഖ്യാപിച്ച് മുസ്‌ലിം യൂത്ത് ലീഗ് കൊപ്പം പഞ്ചായത്ത് കമ്മിറ്റി പ്രകടനം നടത്തി. തൃത്താല കൊപ്പത്ത് നിന്നാരംഭിച്ച പ്രകടനം കള്ള്ഷാപ്പിന് മുന്നില്‍ പൊലിസ് തടഞ്ഞു.
മുസ്‌ലിംയൂത്ത്‌ലീഗ് മണ്ഡലം പ്രസിഡന്റ് സി.എ റാസി ഉദ്ഘാടനം ചെയ്തു. എം.ടി.എ വഹാബ്, ശങ്കരനാരായണന്‍, ഹനീഫ കൊപ്പം, അഷ്‌റഫ് കരിങ്ങനാട്, നൗഫല്‍ പുതിയറോഡ്, തിയ്യാട്ടില്‍ ജമാല്‍, സി.പി മുസ്തഫ, കല്ലിങ്ങല്‍ മുസ്തഫ, പി. സാജിദ്, കെ.പി അഷ്‌റഫ്, കെ.പി മുഹമ്മദ് മാനു സംസാരിച്ചു. കള്ള്ഷാപ്പിനെതിരായ ജനകീയ സമരം 15-ാം ദിവസത്തിലേക്ക് പ്രവേശിക്കുകയാണ്. ജനവാസ കേന്ദ്രത്തില്‍ കള്ള്ഷാപ്പിന് അനുമതി നല്‍കിയതിനെതിരെ വ്യാപക പ്രതിഷേധമാണ് നിലനില്‍ക്കുന്നത്. കള്ള് ഷാപ്പ് പരിസരത്ത് പന്തല്‍കെട്ടി കുട്ടികളും സ്ത്രീകളും ഉള്‍പ്പടെയുള്ളവരാണ് സമരം നടത്തുന്നത്.