കയ്പ്പമംഗലം : ദേശീയപാത 17 കയ്പമംഗലം ബോര്‍ഡിനു സമീപം നിയന്ത്രണം വിട്ട കാര്‍ ടിപ്പര്‍ ലോറിയിലിടിച്ചു കാര്‍ ഡ്രൈവര്‍ക്ക് പരുക്കേറ്റു.
വലപ്പാട് ബീച്ച് സ്വദേശി കോഴിശേരി ദേവനാണ് പരുക്കേറ്റത് . ഇയാളെ ആക്ട്‌സ് പ്രവര്‍ത്തകര്‍ ഇരിങ്ങാലക്കുട സഹകരണ ആശുപത്രിയില്‍ പ്രവേശിപ്പിച്ചു. ഇന്നലെ ഉച്ചക്കു ഒന്നരയോടെയായിരുന്നു അപകടം.
വലപ്പാട് ഭാഗത്തു നിന്നു വന്നിരുന്ന കാര്‍ നിയന്ത്രണം വിട്ടു എതിരെ വന്ന ടിപ്പറിന്റെ പിന്‍ചക്രത്തില്‍ ഇടിക്കുകയായിരുന്നു. ഇടിയുടെ ആഘാതത്തില്‍ പിന്‍ചക്രം ഊരിതെറിച്ചു പോയി. കാറിന്റെ മുന്‍ഭാഗം തകര്‍ന്നിട്ടുണ്ട്. മതിലകം പൊലിസ് സ്ഥലത്തെത്തിയിരുന്നു.