ചാവക്കാട്: ദേശിയപാതയില്‍ പെട്ടി ഓട്ടോയില്‍ കാറിടിച്ച് രണ്ട് പേര്‍ക്ക് പരുക്ക്.
 എടക്കഴിയൂര്‍ സ്വദേശി ഹുസൈന്‍ (33), നാലാം കല്ല് സ്വദേശി മുസ്തഫ (33) എന്നിവര്‍ക്കാണ് പരുക്കേറ്റത്. അകലാട് നബവി പ്രവര്‍ത്തകരെത്തി ഇവരെ മുതുവട്ടൂര്‍ രാജാ ആശുപത്രിയിലെത്തിച്ചു.
ദേശീയപാത എടക്കഴിയൂര്‍ കുടുംബാരോഗ്യ കേന്ദ്രത്തിനു സമീപം ഇന്നലെ വൈകുന്നേരം മൂന്നോടെയാണ് അപകടമുണ്ടായത്. അകലാട് ഭാഗത്ത് നിന്ന് കെട്ടിട നിര്‍മാണ സാമഗ്രികള്‍ കയറ്റി എത്തിയ പെട്ടി ഓട്ടോയില്‍ വന്ന കാറിടിക്കുകയായിരുന്നു. ഇടിയുടെ ആഘാത്തില്‍ നിയന്ത്രണം വിട്ട പെട്ടി ഓട്ടോ സമീപത്തെ കുടുംബാരോഗ്യ കേന്ദ്രത്തിന്റെ മതിലിലുമിടിച്ചു. കാറിന്റെ മുന്‍ഭാഗവും പെട്ടിയോട്ടോയുടെ ഇരുഭാഗങ്ങളും തകര്‍ന്നിട്ടുണ്ട്.