ചാരുംമൂട്: പാലമേല്‍ ഗ്രാമ പഞ്ചായത്തിന്റെ വിവിധ പ്രദേശങ്ങളില്‍ കൊടിമരത്തിനു മുകളില്‍ സ്ഥാപിച്ചിട്ടുള്ള പാര്‍ട്ടി ചിഹ്നങ്ങള്‍ നീക്കം ചെയ്യുണമെന്ന് മാവേലിക്കര തെരഞ്ഞെടുപ്പ് ഉപഭരണാധികാരി ജി. അനിസ് ഉത്തരവിട്ടു. തെരഞ്ഞെടുപ്പുമായി ബന്ധപ്പെട്ട് വിവിധ കക്ഷി നേതാക്കളെ പങ്കെടുപ്പിച്ച് പാലമേല്‍ ഗ്രാമ പഞ്ചായത്ത് കോണ്‍ഫ്രന്‍സ് ഹാളില്‍ വിളിച്ചുകൂട്ടിയ യോഗത്തിലാണ് തീരുമാനം.
ആദിക്കാട്ടുകുളങ്ങരയില്‍ കെട്ടിയ പാര്‍ട്ടി കൊടിയും നീക്കം ചെയ്യാന്‍ ഉത്തരവിട്ടു. തെരഞ്ഞെട്ടപ്പ് പെരുമാറ്റച്ചട്ടം ലംഘിക്കുന്ന ഏതു പാര്‍ട്ടിയാണെങ്കിലും അവര്‍ക്കെതിരേ നിയമ നടപടിയുണ്ടാകുമെന്നും എ.ആര്‍.ഒ അറിയിച്ചു