കൊല്ലങ്കോട്: ബൈക്കില്‍ കഞ്ചാവുമായി കടന്ന യുവാക്കള്‍ അറസ്റ്റില്‍. തൃശ്ശൂര്‍ ചാവക്കാട് തലിക്കുളം തൃത്തല്ലൂര്‍ ഗാന്ധിഗ്രമം പുതുവീട്ടില്‍ ഹുസൈന്‍ (31), ചാവക്കാട് തലിക്കുളം പള്ളിയില്‍ വീട്ടില്‍ വിഷ്ണു (28) എന്നിവരെയാണ് 1.100 ഗ്രാം കഞ്ചാവുമായി ഇന്നലെ വൈകുന്നേരം ആറരക്ക് കൊല്ലങ്കോട്ടുവച്ച് എക്‌സൈസ് സംഘം പിടികൂടിയത്. ഐക്‌സൈസ് ഇന്‍സ്‌പെക്ടര്‍ എസ്. ബാലാഗോപാലന്‍ അസി. ഐക്‌സൈസ് ഇന്‍സ്‌പെക്ടര്‍ പി. സുരേഷ് പ്രിവന്റീവ് ഓഫിസര്‍ സി.ജെ ഫ്രാന്‍സിസ്, ഗോപാകുമാരന്‍ സിവില്‍ ഐക്‌സൈസ് ഒഫിസര്‍ രാധാകൃഷണന്‍, സി. രാജീവ്, എസ്. ഷാജഹാന്‍, ഷെയ്ക്ക് ദാവുദ്, അബദുല്‍ കലാം എന്നിവരടങ്ങിയ സംഘത്തിന്റെ വാഹന പരിശോധനയിലാണ് യുവാക്കള്‍ പിടിയിലായത്.