ഹൈദരാബാദ്: കൊവിഡ് വ്യാപനത്തിന്റെ പശ്ചാത്തലത്തില്‍ മുഴുവന്‍ എസ്.എസ്.എല്‍.സി വിദ്യാര്‍ഥികളെയും വിജയിപ്പിക്കുന്നതായി തെലങ്കാന സര്‍ക്കാര്‍. കൊവിഡ് വ്യാപനം രൂക്ഷമായതോടെയാണ് വിദ്യാര്‍ഥികളെ വിജയിപ്പിക്കാന്‍ സര്‍ക്കാര്‍ തീരുമാനിച്ചത്.

പരീക്ഷകള്‍ റദ്ദാക്കി സര്‍ട്ടിഫിക്കറ്റ് നല്‍കാനാണ് സര്‍ക്കാര്‍ തീരുമാനിച്ചത്. നേരത്തെ പത്താം ക്ലാസ് പരീക്ഷകള്‍ നീട്ടിവെക്കുന്നതായി സര്‍ക്കാര്‍ പ്രഖ്യാപിച്ചിരുന്നു.ഇതുവരെ 3,650 പേര്‍ക്കാണ് തെലങ്കാനയില്‍ കൊവിഡ് സ്ഥിരീകരിച്ചത്. ഇന്ന് മാത്രം 154 പേര്‍ക്ക് കൊവിഡ് സ്ഥിരീകരിച്ചിട്ടുണ്ട്.

ഇന്ന് മാത്രം 14 മരണങ്ങള്‍ കൂടി റിപ്പോര്‍ട്ട് ചെയ്തതോടെ കൊവിഡ് ബാധിച്ച് മരിച്ചവരുടെ എണ്ണം 137 ആയി വര്‍ധിച്ചു.