ഫറോക്ക്: ദഅ്‌വത്തിന് ഒരു കൈത്താങ്ങ് എന്ന പ്രമേയത്തില്‍ സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡിന്റെ നിര്‍ദേശം അനുസരിച്ച് ഫറോക്ക് റെയ്ഞ്ചിന് കീഴിലുള്ള മദ്‌റസാ പള്ളി ഏരിയകളില്‍ നിന്ന് സ്വരൂപിച്ച സമസ്ത പ്രവര്‍ത്തന ഫണ്ട് ഏറ്റുവാങ്ങി.
ഫറോക്ക് പേട്ട പള്ളിയില്‍ നിന്നുള്ള വിഹിതം വി. ഇസ്മാഈല്‍ ഹാജി ജില്ലാ സെക്രട്ടറി പി. ഹസൈനാര്‍ ഫൈസി യെ ഏല്‍പ്പിച്ചു. ഫറോക്ക് തുമ്പപ്പാടം മമ്പഉല്‍ ഉലൂം മദ്‌റസയില്‍ നടന്ന ചടങ്ങില്‍ പ്രസിഡന്റ് എ.പി മുഹമ്മദലി ഫൈസി ആധ്യക്ഷനായി. മൂസല്‍ മാഹിരി യോഗം ഉദ്ഘാടനം ചെയ്തു. ആസിഫ് വാഫി വയനാട്, പി.ടി അശ്‌റഫ് ബാഖവി, കെ. അബ്ദുല്‍ കരീം മാഹിരി, ടി.പി അലി അസ്‌കര്‍ മുസ്‌ലിയാര്‍, ടി.എച്ച് വഹാബ് ഫൈസി, പി.കെ അബ്ദുല്‍ ലത്തീഫ് ഫൈസി, കെ. മുസ്തഫ മാഹിരി, ഒ.കെ സൈതലവി ഫൈസി, കെ.സി റാസിഖ്, പി.പി സിറാജ് ഫൈസി സംസാരിച്ചു.