പാപ്പിനിശ്ശേരി: ഇരിണാവ് നവകേരള കലാകായിക വേദിയുടെ ആഭിമുഖ്യത്തില്‍ സംഘടിപ്പിച്ച 19-ാമത് വി നീലകണ്ഠന്‍ ആന്റ്  കാക്കാടി ഗംഗാധരന്‍ സ്മാരക സബ് ജൂനിയര്‍ സെവന്‍സ് ഫുട്‌ബോള്‍ ടൂര്‍ണമെന്റിന്റെ ഫൈനല്‍ മത്സരത്തില്‍ സെലക്ടഡ് വളപട്ടണം ജേതാക്കള്‍. എതിരില്ലാത്ത രണ്ട് ഗോളുകള്‍ക്ക് ഡാം ടീം ഇരിണാവിനെ പരാജയപ്പെടുത്തി. മുന്‍ ഇന്ത്യന്‍ ഫുട്‌ബോള്‍ താരം കെ.ടി രജ്ഞിത്ത് സമ്മാനങ്ങള്‍ വിതരണം ചെയ്തു.
കല്യാശ്ശേരി ബ്ലോക്ക് പഞ്ചായത്ത് വൈസ് പ്രസിഡന്റ് പി ഗോവിന്ദന്‍, കെ ഷാജി, കെ സുധാകരന്‍, കെ സജിത്ത് തുടങ്ങിയവര്‍ പങ്കെടുത്തു.