പെരിന്തല്‍മണ്ണ: ഏലംകുളം സര്‍വിസ് സഹകരണ ബാങ്ക് ഭരണസമിതി അംഗങ്ങളായി പ്രവര്‍ത്തിച്ചിരുന്ന ടി.സി വാസുദേവന്‍, എം.പി ഗോപാലകൃഷ്ണന്‍, എം.പി പത്മിനി എന്നിവരുടെ അനുസ്മരണ സംഗമവും ഫോട്ടോ അനാച്ഛാദനവും ബാങ്ക് ഭരണസമിതി അംഗങ്ങളുടെയും ജീവനക്കാരുടെയും നേതൃത്വത്തില്‍ സംഘടിപ്പിച്ചു.
മുന്‍ മന്ത്രി പാലോളി മുഹമ്മദ്കുട്ടി ഉദ്ഘാടനം ചെയ്തു. ഏലംകുളം പഞ്ചായത്ത് പ്രസിഡന്റ് കെ.ആയിഷ അധ്യക്ഷയായി. പഞ്ചായത്ത് പരിധിയില്‍ നിന്ന് എസ്.എസ്.എല്‍.സി, പ്ലസ് ടു, എല്‍.എസ്.എസ്, യു.എസ്.എസ് പരീക്ഷകളില്‍ ഉന്നതവിജയം നേടിയവരെ അനുമോദിച്ചു.
സി.ദിവാകരന്‍, വി.രമേശന്‍, എന്‍.പി ഉണ്ണികൃഷ്ണന്‍, എം.നന്ദകുമാര്‍ എന്നിവര്‍ അവാര്‍ഡുകള്‍ വിതരണം ചെയ്തു.
പഞ്ചായത്ത് വൈസ് പ്രസിഡന്റ് എം.വി സുഭദ്ര ഹരിതം സഹകരണത്തിന്റെ ഭാഗമായുള്ള വൃക്ഷത്തൈ വിതരണവും നടത്തി. പഞ്ചായത്ത് സ്ഥിരംസമിതി അംഗങ്ങളായ സി.വി ഷീബ, സി.രമ്യ, ടി.പി അനില്‍കുമാര്‍, വിവിധ രാഷ്ടീയ പാര്‍ട്ടി പ്രതിനിധികള്‍ സംസാരിച്ചു.