പീരുമേട്: നിയന്ത്രണം നഷ്ട്ടപ്പെട്ട ടിപ്പര്‍ ലോറി കടയിലേക്ക് ഇടിച്ചു കയറി ഡ്രൈവര്‍ക്ക് പരുക്ക്. കട തുറക്കാതിരിന്നതിനാല്‍ ഒഴിവായത് വന്‍ അപകടം.
മൂന്നാര്‍ വട്ടവട സ്വദേശി നായകരാജി (29 )നാണ് അപകടത്തില്‍ പരിക്കേറ്റത്.ഇയാളെ മുണ്ടക്കയത്തെ സ്വാകാര്യ ആശുപത്രിയില്‍ പ്രവേശിപ്പിച്ചു.ദേശീയപാത 183ല്‍ വളഞ്ഞാങ്ങാനം വെള്ളച്ചാട്ടത്തിനു സമീപത്ത് വെച്ചു ഇന്നലെ രാവിലെ 6 മണിയോടെയാണ് അപകടം. മുണ്ടക്കയം ഭാഗത്ത് നിന്നും കയറ്റം കയറി വന്ന ലോറി നിയന്ത്രണം വിട്ട് റോഡരുകിലെ കടയിലേക്ക് ഇടിച്ചു കയറുകയായിരുന്നു. പുലര്‍ച്ചെയായതിനാല്‍ കടകള്‍ തുറന്നിരുന്നില്ല. വിനോദ സഞ്ചാരികള്‍ അടക്കം നിരവധി പേര്‍ എത്തുന്ന സ്ഥലമാണ് വളഞ്ഞാങ്ങാനം വെള്ളച്ചാട്ടം.ഡ്രൈവര്‍ ഉറങ്ങി പോയതാണ് അപകട കാരണമെന്നു സംശയിക്കുന്നു.