ആനക്കര: ബസുകള്‍ക്കുള്ള ബസ്സ്സ്റ്റാന്‍ഡിന്റെ കാത്തിരുപ്പിന് വിരാമമാകുന്നു. ഇന്നു മുതല്‍ കൂറ്റനാട് ബസ്സ്സ്റ്റാന്‍ഡില്‍ ബസുകള്‍ കയറും.
ദീര്‍ഘ ദൂര കെ.എസ്.ആര്‍.ടി.സി ബസുകള്‍ ബസ്സ്റ്റാന്‍ഡിന് മുന്‍ വശത്തും മറ്റു കെ.എസ്.ആര്‍.ടി.സി അടക്കമുള്ള ബസുകള്‍ സ്റ്റാന്‍ഡില്‍ കയറിയും സര്‍വീസ് നടത്തണമെന്ന് കഴിഞ്ഞ ദിവസം നടന്ന യോഗത്തില്‍ തീരുമാനമായി.
ബസ് സ്റ്റാന്‍ഡില്‍ ഉപയോഗശൂന്യമായി കിടന്നിരുന്ന അടിസ്ഥാന സൗകര്യങ്ങള്‍ ഇതിന്റെ ഭാഗമായി പുനഃസ്ഥാപിച്ചിട്ടുണ്ട്. ഇതു സംബന്ധിച്ച് നാഗലശ്ശേരി പഞ്ചായത്ത് ഓഫിസില്‍ ജോ.ആര്‍.ടി.ഒ. യുടെ നേതൃത്വത്തില്‍ നടന്ന യോഗത്തിലാണ് തീരുമാനം.