ഗുരുവായൂര്‍: കെ.ദാമോദരന്റെ സ്മരണയ്ക്ക് കെ.ദാമോദരന്‍ പഠന ഗവേഷണ കേന്ദ്രം ആന്‍ഡ് വായനശാല ഏര്‍പ്പെടുത്തിയ സാഹിത്യ അവാര്‍ഡിന് കൃതികള്‍ ക്ഷണിച്ചു.
2014, 2015, 2016 വര്‍ഷങ്ങളില്‍ ഒന്നാമതായി പുറത്തിറങ്ങിയ മലയാള ഭാഷയില്‍ രചിക്കപ്പെട്ട ജീവചരിത്ര ഗ്രന്ഥത്തിനാണ് അവാര്‍ഡ് നല്‍കുന്നത്. ഒന്നാം പതിപ്പായി പുറത്തിറങ്ങിയ കൃതിയുടെ നാല് കോപ്പികള്‍ അയക്കണം. പരിഭാഷ പരിഗണിക്കുന്നതല്ല. 5001 രൂപയും, ശില്‍പവും പ്രശസ്തി പത്രവും അടങ്ങുന്നതാണ് അവാര്‍ഡ്.
പ്രസാധകര്‍ക്കോ, സാംസ്‌കാരിക സ്ഥാപനങ്ങള്‍ക്കോ, വ്യക്തികള്‍ക്കോ, കൃതികള്‍ അയച്ചുതരാവുന്നതാണ്. കൃതികള്‍ സെക്രട്ടറി, കെ.ദാമോദരന്‍ പഠനഗവേഷണ കേന്ദ്രം ആന്‍ഡ് വായനശാല, എടപ്പുള്ളി റോഡ്, ഗുരവായൂര്‍ പി.ഒ തൃശൂര്‍ ജില്ല 680101, ഫോണ്‍ 9447771960 എന്ന വിലാസത്തില്‍ മെയ് 15 മുന്‍പായി ലഭിക്കണം.