കണ്ണൂര്‍: ഇന്നു നടത്താന്‍ തീരുമാനിച്ച വളപട്ടണം പാലം വഴിയോടുന്ന ബസുകളുടെ സമരം മാറ്റിവച്ചു.
പാലത്തിന്റെ അറ്റകുറ്റപണികള്‍ അടിയന്തിരമായി തീര്‍ക്കുമെന്ന കലക്ടറും ദേശീയപാത അധികൃതരും നല്‍കിയ ഉറപ്പിനെ തുടര്‍ന്നാണ് സമരം മാറ്റിവക്കാന്‍ ബസ് ഓപ്പറേറ്റേഴ്‌സ് അസോസിയേഷന്‍ തീരുമാനിച്ചത്. പുന്നാട് അപകടം പോലുള്ള സംഭവങ്ങള്‍ ആവര്‍ത്തിക്കാതിരിക്കാന്‍ ജാഗ്രത പാലിക്കണമെന്ന് മുഴുവന്‍ ഉടമകള്‍ക്കും ജീവനക്കാര്‍ക്കും യോഗം നിര്‍ദേശം നല്‍കി. വി.ജെ സെബാസ്റ്റിയന്‍ അധ്യക്ഷനായി. രാജ്കുമാര്‍, എ.വി വത്സലന്‍, സി.എം ശിവാരജ് സംസാരിച്ചു.