എടച്ചേരി: ഓര്‍ക്കാട്ടേരി എം.എം ഇംഗ്ലിഷ് മീഡിയം സ്‌കൂളില്‍ 'ക്ലാസിലൊരു ലൈബ്രറി' പദ്ധതിക്ക് തുടക്കമായി. നിരവധി പുസ്തകങ്ങളുടെ ശേഖരമുള്ള സ്‌കൂള്‍ ലൈബ്രറിക്ക് പുറമെയാണ് എല്‍.പി, യുപി വിഭാഗത്തിലെ മുഴുവന്‍ ക്ലാസുകളിലും വിദ്യാര്‍ഥികള്‍ക്ക് വേഗത്തില്‍ വായിക്കാന്‍ ഉതകുന്നവിധം ലൈബ്രറി ഒരുക്കിയത്. മാനേജ്‌മെന്റ് കമ്മിറ്റി വാങ്ങിയ പുസ്തകത്തിന് പുറമെ ദ്യാര്‍ഥികള്‍ ശേഖരിച്ച പുസ്തകങ്ങളും ക്ലാസ് ലൈബ്രറിയില്‍ വായനയ്ക്ക് ഒരുക്കിയിട്ടുണ്ട്.
കുട്ടികളെ വായനയുടെ വിശാലമായ ലോകത്തേക്കു നയിക്കുക എന്നതാണ് സ്‌കൂള്‍ അധികൃതര്‍ ഇതുകൊണ്ട് ലക്ഷ്യമിടുന്നത്. പദ്ധതിയുടെ ഉദ്ഘാടനം സയ്യിദ് ഹൈദ്രോസ് തുറാബ് തങ്ങള്‍ നിര്‍വഹിച്ചു. എ.കെ ബീരാന്‍ ഹാജി, എ.വി അബൂബക്കര്‍ മൗലവി, പി.പി ഉമ്മര്‍ ഹാജി, എം.കെ യൂസഫ് ഹാജി, പ്രിന്‍സിപ്പല്‍ അബ്ബാസ് വാണിമല്‍, കെ.ടി കുഞ്ഞിരാമന്‍ മാസ്റ്റര്‍, സുമ ടീച്ചര്‍, മുള്ളങ്കുന്നത്ത് സൂപ്പി, കുമാരന്‍ മാസ്റ്റര്‍, മുഹസിന്‍ വാഫി സംസാരിച്ചു.