എടപ്പാള്‍: ബസുകള്‍ ഉരസിയതിനെ തുടര്‍ന്ന് ഗതാഗതം തടസപ്പെട്ടു. ഇന്നലെ രാവിലെ പത്തരക്ക് എടപ്പാള്‍ കുറ്റിപ്പുറം റോഡിലാണ് അപകടം നടന്നത്. തൃശ്ശൂര്‍ ഭാഗത്ത് നിന്നു കോഴിക്കോട് ഭാഗത്തേക്ക് പോകുകയായിരുന്ന സ്വകാര്യ ബസില്‍ അതേ ദിശയില്‍ വരികയായിരുന്ന കെ.എസ്.ആര്‍.ടി.സി ബസ് ഉരസുകയായിരുന്നു. ഇതേത്തുടര്‍ന്ന് സംസ്ഥാന പാതയില്‍ രൂക്ഷമായ ഗതാഗതക്കുരുക്ക് രൂപപ്പെട്ടു.
തുടര്‍ന്ന് പൊലിസെത്തിയാണ് ഗതാഗതക്കുരുക്ക് നീക്കിയത്.