കൊച്ചി: ലയണ്‍സ് ക്ലബ്ബ് ഇന്റര്‍നാഷണല്‍ ഡിസ്ട്രിക്ട് 318 സിയുടെ ഭാരവാഹികളുടെ സ്ഥാനാരോഹണം 16ന് വൈകിട്ട് നാലിന് ഗോകുലം കണ്‍വന്‍ഷന്‍ സെന്ററില്‍ നടക്കും.
ആലപ്പുഴ, ഇടുക്കി, എറണാകുളം റവന്യു ജില്ലകള്‍ ഉള്‍പ്പെടുന്ന ലയണ്‍സ് ഡിസ്ട്രിക്ടിലെ 105 ക്ലബ്ബുകളില്‍ നിന്നും 1800 പേര്‍ പരിപാടിയില്‍ പങ്കെടുക്കുമെന്നു ഭാരവാഹികള്‍ വാര്‍ത്താ സമ്മേളനത്തില്‍ പറഞ്ഞു.
ലയണ്‍സ് ഇന്റര്‍നാഷണല്‍ ഡയറക്ടര്‍ അരുണ ഓസ് വാള്‍ മുഖ്യാതിഥിയായിരിക്കും.
ഡിസ്ട്രിക്ട് ഗവര്‍ണര്‍ തോമസ് ജേക്കബ് അധ്യക്ഷത വഹിക്കും.
ലയണ്‍സ് ക്ലബ്ബ് ഇന്റര്‍നാഷണലിന്റെ നൂറാം വാര്‍ഷികത്തോടനുബന്ധിച്ച് നിരവധി ജീവകാരുണ്യ പരിസ്ഥിതി പ്രവര്‍ത്തനങ്ങള്‍ക്ക് തുടക്കം കുറിക്കുമെന്ന് അവര്‍ പറഞ്ഞു.
വാര്‍ത്താ സമ്മേളനത്തില്‍ തോമസ് ജേക്കബ്, ഡിസ്ട്രിക്ട് സെക്രട്ടറി കുമ്പളം രവി, സൈജു പീറ്റര്‍ പങ്കെടുത്തു.