കണ്ണൂര്‍: പയ്യാവൂര്‍ പാറക്കടവിനു സമീപം കൂട്ടുപുഴയില്‍ മൂന്നുപേരെ ഒഴുക്കില്‍പെട്ടു കാണാതായി. കുളിക്കാനിറങ്ങിയ മൂന്നുപേരെയാണ് ഒഴുക്കില്‍ പെട്ടു കാണാതായത്. വിദ്യാര്‍ഥി ഉള്‍പ്പെടെ നാലു പേരാണ് കടവില്‍ കുളിക്കാന്‍ എത്തിയിരുന്നത്.

മൂന്നുപേര്‍ നിര്‍മാണ തൊഴിലാളികളാണ്.
സംഭവം അറിഞ്ഞയുടനെ പൊലിസ് സ്ഥലത്തെത്തി. നാട്ടുകാരുടെയും പൊലിസിന്റെയും സഹായത്തോടെ തിരച്ചില്‍ നടത്തിയെങ്കിലും ആരേയും കണ്ടെത്തിയിട്ടില്ല. അഗ്നിശമനസേന സ്ഥലത്തെത്തിയിട്ടില്ലെങ്കിലും തിരച്ചില്‍ തുടരുന്നുണ്ട്. ശക്തമായ മഴ പെയ്യുന്നതും ഇരുട്ടായ കാലവസ്ഥയായതുകൊണ്ടും തിരച്ചില്‍ തുടരാനാവാത്ത സ്ഥിതിയാണുള്ളത്. ഒഴുക്കില്‍പെട്ടവര്‍ ആരൊക്കെയാണെന്നതിനെക്കുറിച്ച് കൃത്യമായ വിവരം ലഭിച്ചിട്ടില്ല.