പഴയങ്ങാടി: റോഡരികില്‍ മാലിന്യം തള്ളുന്നതിനിടെ രണ്ടുപേരെ നാട്ടുകാര്‍ പിടികൂടി. പഴയങ്ങാടി മാര്‍ക്കറ്റ് റോഡരികിലെ പഴക്കട നടത്തുന്ന വാഴവളപ്പില്‍ ഹാരിസ് (38), വാഴവളപ്പില്‍ ഹര്‍ഷാദ്(22) എന്നിവരെയാണ് ഫ്രൂട്‌സ് കടകളിലേയും സമീപ പ്രദേശങ്ങളിലെ കടകളിലേയും മാലിന്യങ്ങള്‍ വാഹനത്തില്‍ ശേഖരിച്ച് മുട്ടുകണ്ടി പൊടിത്തടം ഭാഗത്ത് റോഡരികില്‍ തള്ളുന്നതിനിടെയാണ് കഴിഞ്ഞദിവസം രാത്രി 11ഓടെ നാട്ടുകാര്‍ പിടികൂടിയത്. പഴയങ്ങാടി എസ്.ഐ ബിനു മോഹനും സംഘവും സ്ഥലത്തെത്തി വാഹനം കസ്റ്റഡിയിലെടുത്ത് പ്രതികളുടെ പേരില്‍ കേസെടുത്തു.