കോഴിക്കോട്: അധികാരികള്‍ ക്രിയാത്മകമായി ചിന്തിച്ചാല്‍ സാഹിത്യലോകത്തെ നഷ്ടങ്ങള്‍ നികത്താനാവുമെന്ന് സാറാജോസഫ്. സരോവരം ബയോപാര്‍ക്കിന് സമീപം നടക്കുന്ന ഒലിവ് ബിബിലിയോ മലബാര്‍ കാര്‍ണിവലില്‍ കെ.വി മോഹന്‍ കുമാറിന്റെ കഥകളുടെ സമാഹാരം പ്രകാശനം ചെയ്ത് സംസാരിക്കുകയായിരുന്നു അവര്‍.
എന്‍.എം സണ്ണി അധ്യക്ഷനായി. ഇ.കെ ഷാഹിന ആദ്യ കോപ്പി ഏറ്റുവാങ്ങി.
ഡോ.എം.കെ മുനീര്‍ എം.എല്‍.എ, അര്‍ഷാദ് ബത്തേരി, മമ്മു മാഷ് സംസാരിച്ചു. ശ്രീകാന്ത് കോട്ടക്കലിന്റെ 'മനുഷ്യന്‍, പ്രപഞ്ചങ്ങള്‍' എന്ന പുസ്തകം സത്യന്‍ അന്തിക്കാട് ജയരാജ് വാര്യര്‍ക്ക് ആദ്യ കോപ്പി നല്‍കി പ്രകാശനം ചെയ്തു.
ഡോ.കെ.വി സുകുമാരന്റെ അധ്യക്ഷനായി. ജോയ് മാത്യു, ടി.വി സുനീത സംസാരിച്ചു.