താമരശ്ശേരി: സ്‌കൂളില്‍ നിന്നു മടങ്ങവേ ഓട്ടോയില്‍ നിന്ന് വീണ് വിദ്യാര്‍ഥിക്ക് പരുക്കേറ്റു. കോരങ്ങാട് ഗവ. എല്‍.പി സ്‌കൂള്‍ വിദ്യാര്‍ഥി വാപ്പനാംപൊയില്‍ ഷൗക്കത്തിന്റെ മകള്‍ ഫാത്തിമ റുഫൈദയ്ക്കാണ് പരുക്കേറ്റത്. കഴിഞ്ഞ ദിവസം വൈകിട്ട് പി.ടി.എ ഏര്‍പ്പെടുത്തിയ ഓട്ടോറിക്ഷയില്‍ വീട്ടിലേക്കു പോകുമ്പോഴാണ് അപകടം.
കുട്ടിയെ താമരശ്ശേരി താലൂക്ക് ആശുപത്രിയില്‍ പ്രവേശിപ്പിച്ചു. കുട്ടികളെ കുത്തിനിറച്ച് ഓട്ടോയില്‍ കൊണ്ടുപോയതായും ഏറെ പഴക്കംചെന്ന വാഹനത്തിലാണ് വിദ്യാര്‍ഥികളെ കൊണ്ടുപോയതെന്നും കാണിച്ച് പിതാവ് ഷൗക്കത്ത് താമരശ്ശേരി സി.ഐക്ക് പരാതി നല്‍കി.