ഫറോക്ക്: ജനങ്ങളുടെ സൈ്വര്യജീവിതത്തിനു ഭീഷണിയായി പുറ്റെക്കാട് മേഖലയില്‍ അനധികൃത മദ്യവില്‍പ്പനയും മദ്യപാനവും വ്യാപകമാകുന്നു.
കടകളും ചിലവീടുകളും കേന്ദ്രീകരിച്ചുള്ള വില്‍പ്പനയും മദ്യാപാനവും വര്‍ധിച്ചതോടെ പ്രദേശത്തെ ജനങ്ങള്‍ പൊറുതിമുട്ടിയിരിക്കുകയാണ്. പൊലിസും എക്‌സൈസും ചിലരെ പിടികൂടിയെങ്കിലും ഇതിന്റെ വ്യാപനം തടയാന്‍ സാധിച്ചിട്ടില്ലെന്ന് നാട്ടുകാര്‍ പറയുന്നു.
    ബീവറേജ്‌സ് ഔട്ട്‌ലെറ്റുകളില്‍ നിന്നും മാഹിയില്‍ നിന്നുമെല്ലാം എത്തുന്ന മദ്യം ചില പ്രത്യേക കേന്ദ്രങ്ങളില്‍ വില്‍പ്പന നടത്തുകയാണ്. ചിലകടകളിലും  വീടുകളിലും  മദ്യപാനം നടത്താനുള്ള സൗകര്യവും ചെയ്യുന്നുണ്ട്. പകല്‍ സമയത്തുപോലും പുറ്റെക്കാട് മേഖലയില്‍ ഇത്തരം സംഘത്തിന്റെ വിളയാട്ടമുണ്ടെന്നാണ് നാട്ടുകാര്‍ പറയുന്നത്.