പേരൂര്‍ക്കട: ഇലക്ട്രിക് പോസ്റ്റ് മാറ്റുന്നതിനെച്ചൊല്ലിയുണ്ടായ തര്‍ക്കത്തിനിടെ കെ.എസ്.ഇ.ബി കുടപ്പനക്കുന്ന് സെക്ഷന്‍ ഓവര്‍സിയറെ മര്‍ദിച്ച സംഭവത്തില്‍ പ്രതി കോടതിയില്‍ കീഴടങ്ങി. ഇയാളെ കോടതി റിമാന്‍ഡ് ചെയ്തു. കുടപ്പനക്കുന്ന് ഇരപ്പുകുഴി മുക്കംപാലവിള വീട്ടില്‍ സിബി എന്നുവിളിക്കുന്ന പ്രശാന്ത് (32) ആണ് റിമാന്‍ഡിലായത്. കിഴക്കേമുക്കോല ഇരപ്പുകുഴി റോഡില്‍ ഇലക്ട്രിക് പോസ്റ്റ് മാറ്റാനെത്തിയ നെയ്യാറ്റിന്‍കര സ്വദേശിയും സെക്ഷന്‍ ഓവര്‍സിയറുമായ ശ്രീകുമാറിനെ (50) യാണ് പ്രശാന്ത് മര്‍ദിച്ചത്. ഇതിന്റെ അന്വേഷണം നടന്നുവരുന്നതിനിടെയാണ് പ്രതി കോടതിയില്‍ കീഴടങ്ങിയത്.