കൊല്ലം: സ്വകാര്യ മെഡിക്കല്‍ കോളജില്‍ ശമ്പള വര്‍ധന സംബന്ധിച്ച തര്‍ക്കത്തെ തുടര്‍ന്ന് നഴ്‌സുമാര്‍ അഡ്മിനിസ്‌ട്രേറ്റീവ് വിഭാഗം ജീവനക്കാരെ പൂട്ടിയിട്ട സംഭവത്തില്‍ കേരള വനിതാ കമ്മിഷന്‍ അംഗം ഷാഹിദാ കമാല്‍ മെഡിക്കല്‍ കോളജില്‍ നേരിട്ട് സന്ദര്‍ശനം നടത്തി.
അഞ്ച് വനിതാ ജീവനക്കാരെ ഉള്‍പ്പെടെ പൂട്ടിയിട്ട വിഷയത്തില്‍ പൊലിസ് റിപ്പോര്‍ട്ട് ആവശ്യപ്പെട്ടതായും ഷാഹിദാ കമാല്‍ പറഞ്ഞു.അംഗീകരിക്കപ്പെട്ട ശമ്പളം നല്‍കുന്നില്ലെന്ന് ആരോപിച്ച ഒരു വിഭാഗം നഴ്‌സുമാരെ ആശുപത്രി അധികൃതര്‍ പ്രാഥമിക ആവശ്യങ്ങള്‍ പോലും നിര്‍വഹിക്കാന്‍ അനുവദിക്കാതെ മണിക്കൂറുകളോളം പൂട്ടിയിട്ടെന്ന് അഡ്മിനിസ്‌ട്രേറ്റീവ് വിഭാഗം വനിതാ ജീവനക്കാര്‍ കമ്മീഷന് നല്‍കിയ പരാതിയില്‍ പറയുന്നു.
ഇതേ തുടര്‍ന്നാണ് കമ്മീഷന്‍ നേരിട്ട് സന്ദര്‍ശനം നടത്തിയത്. പൊലിസ് റിപ്പോര്‍ട്ട് ലഭിച്ച ശേഷം തുടര്‍നടപടികള്‍ സ്വീകരിക്കുമെന്നും ഷാഹിദാ കമാല്‍ അറിയിച്ചു.