തലശ്ശേരി: മഴക്കാല രോഗങ്ങള്‍ക്കെതിരെ തലശേരി നഗരസഭ അലോപ്പതി-ആയുര്‍വേദ-ഹോമിയോ മെഗാ മെഡിക്കല്‍ ക്യാംപുകള്‍ സംഘടിപ്പിക്കുന്നു.
16, 23, 24, 30, 31 തിയതികളിലായാണ് വിവിധ സ്ഥലങ്ങളില്‍ ക്യാംപ്  സംഘടിപ്പിക്കുന്നതെന്ന് നഗരസഭാ ചെയര്‍മാന്‍ സി.കെ രമേശനും ആരോഗ്യ സ്റ്റാന്റിങ് കമ്മിറ്റി ചെയര്‍മാന്‍ ടി രാഘവനും വാര്‍ത്താസമ്മേളനത്തില്‍ അറിയിച്ചു.
ക്യാംപുകളില്‍ സൗജന്യ മരുന്നും നല്‍കും. 17 ന് രാവിലെ 10 മണിക്ക് പാറാല്‍ എല്‍.പി സ്‌കൂളില്‍ എ.എന്‍ ഷംസീര്‍ എം.എല്‍.എ ഉദ്ഘാടനം നിര്‍വഹിക്കും. ബോധവത്ക്കരണ ലഘുലേഖകള്‍ ആരോഗ്യ പ്രവര്‍ത്തകരും നഗരസഭാ അധികൃതരും ചേര്‍ന്ന് വീടുകളില്‍ വിതരണം നടത്തി വരുന്നതായും ചെയര്‍മാന്‍ പറഞ്ഞു.
ആദ്യ ക്യാംപ് 16 ന് രാവിലെ ഒമ്പത് മണി മുതല്‍ ചാലില്‍ സെന്റ് പീറ്റേഴ്‌സ് ഇംഗ്ലീഷ് മീഡിയം സ്‌കൂളില്‍ നടക്കും. 23 ന് തലായ് എല്‍.പി സ്‌കൂള്‍, 24 ന് വയലളം റീഡേര്‍സ് സെന്റര്‍ എന്നിവിടങ്ങളിലും നടക്കും.
30 ാം  തിയതി കൊളശ്ശേരി പകല്‍ വിശ്രമ കേന്ദ്രത്തിലും 31 ന്  ചിറക്കര ഹയര്‍ സെക്കന്‍ഡറി സ്‌കൂളിലും മെഗാ മെഡിക്കല്‍ ക്യാംപ് നടക്കും.