എടപ്പാള്‍: ജലക്ഷാമം രൂക്ഷമായ പൊല്‍പ്പാക്കരയില്‍ പ്രിയദര്‍ശിനി യൂത്ത് കള്‍ച്ചറല്‍ ഫോറം ജലവിതരണം ആരംഭിച്ചു.
ഏപ്പെ ഓട്ടോയില്‍ ടാങ്ക് ഘടിപ്പിച്ച് ആവശ്യക്കാര്‍ക്കെല്ലാം വെള്ളം വീടുകളില്‍ എത്തിച്ചുനല്‍കുകയാണ്. ഇവിടെയുള്ള ജലാശയങ്ങളും കിണറുകളും വറ്റുകയും ജല അതോറിറ്റിയുടെ പൈപ്പുകളില്‍ വെള്ളം വരാതാവുകയുംചെയ്തതോടെ ജനം കുറച്ചുദിവസമായി പ്രയാസത്തിലായിരുന്നു.
ഈയവസ്ഥയ്ക്ക് പരിഹാരമായാണ് പ്രിയദര്‍ശിനി പ്രവര്‍ത്തകര്‍ ജലവിതരണവുമായി രംഗത്തിറങ്ങിയിട്ടുള്ളത്. ജലവിതരണത്തിന് പി സുദേവ്, എ.വി സുനില്‍, കബീര്‍, ശ്രീനിവാസന്‍, സുധീര്‍ എന്നിവരാണ് നേതൃത്വം നല്‍കുന്നത്.