പുഴക്കാട്ടിരി : മോഷണം ശ്രമത്തിനിടെ നാട്ടുകാര്‍ പിടികൂടി പൊലിസിലേല്‍പിച്ച യുവാവ് മണിക്കൂറുകള്‍ക്കകം മോഷണ ശ്രമത്തിനിടെ വീണ്ടും പിടിയിലായി.
പുഴക്കാട്ടിരിയിലാണ് സംഭവം. പുഴക്കാട്ടിരി പാതിരമണ്ണ പുലാവഴി അലവിയുടെ വസതിയിലാണ് ഉച്ചയോടെ ഇതര സംസ്ഥാന യുവാവ് മോഷണം നടത്താന്‍ എത്തിയത്. വീടിനുള്ളില്‍ കടന്ന യുവാവിനെ പൂട്ടിയിട്ട് പിടികൂടിയ നാട്ടുകാര്‍ ഉടന്‍ കൊളത്തൂര്‍ പൊലിസിനെ വിളിച്ചു വരുത്തി ഏല്‍പിച്ചെങ്കിലും മണിക്കൂറുകള്‍ ഇയാളെ മോഷണ ശ്രമത്തിനു പുഴക്കാട്ടിരിയില്‍ നിന്നു വീണ്ടും പിടികൂടുകയായിരുന്നു.
പുഴക്കാട്ടിരി ലക്ഷം വീട് പരിസരത്തു നിന്നു വൈകിട്ട് ഏഴോടെയാണ് ഇയാള്‍ വീണ്ടും നാട്ടുകാരുടെ പിടിയിലായത്. സംഭവത്തില്‍ പൊലിസിന്റെ ഭാഗത്തു നിന്നുള്ള അനാസ്ഥയാണെന്നു നാട്ടുകാര്‍ ആരോപിച്ചു. യുവാവിന്റെ കൂടെ വന്നവര്‍ ഓടി സ്ഥലം വിട്ടതായും നാട്ടുകാര്‍ പറഞ്ഞു.