തിരുവനന്തപുരം: ഈ സാമ്പത്തിക വര്‍ഷത്തിലെ അവസാന ദിവസമായ നാളെ വാട്ടര്‍ അതോറിറ്റിയുടെ കീഴിലുള്ള എല്ലാ ക്യാഷ് കൗണ്ടറുകളും രാവിലെ ഒന്‍പതു മണി മുതല്‍ വൈകിട്ട് അഞ്ചു മണി വരെ പ്രവര്‍ത്തിക്കുമെന്ന് അതോറിറ്റി അധികൃതര്‍ അറിയിച്ചു. നാളെ പൊതു അവധി ദിവസമായതിനാല്‍ വാട്ടര്‍ അതോറിറ്റി ഉപഭോക്താക്കള്‍ക്ക് വെള്ളക്കരം അടയ്ക്കുന്നതിലുണ്ടാകുന്ന പ്രയാസം ഒഴിവാക്കാനും സര്‍ക്കാര്‍, സര്‍ക്കാരിതര സ്ഥാപനങ്ങളില്‍നിന്നുള്ള കുടിശിക സ്വീകരിക്കുന്നതിനു വേണ്ടിയാണ് നടപടി.