അങ്ങാടിപ്പുറം: കേരഗ്രാമം പദ്ധതിയില്‍ അങ്ങാടിപ്പുറം പഞ്ചായത്തിനെ ഉള്‍പ്പെടുത്തിയതായി ടി.എ അഹമ്മദ് കബീര്‍ എം.എല്‍.എ അറിയിച്ചു. 2018- 19 സാമ്പത്തിക വര്‍ഷം കൃഷി വകുപ്പിന്റെ പദ്ധതിയിലാണ് അങ്ങാടിപ്പുറം പഞ്ചായത്തിനെ ഉള്‍പ്പെടുത്തിയത്.
പഞ്ചായത്തിനെ പദ്ധതിയില്‍ ഉള്‍പ്പെടുത്തണമെന്നാവശ്യപ്പെട്ട് എം.എല്‍.എ കൃഷി മന്ത്രി വി.എസ് സുനില്‍കുമാറിന് കത്ത് നല്‍കിയിരുന്നു. സംയോജിത വിള പരിപാലന രീതികള്‍ വഴി തെങ്ങ് സംരക്ഷണവും നാളികേര അഭിവൃദ്ധിയും ലക്ഷ്യമിട്ട് സമഗ്ര നാളികേര വികസനത്തിനായി ക്ലസ്റ്റര്‍ അടിസ്ഥാനത്തില്‍ നടപ്പാക്കുന്ന കേരഗ്രാമം പദ്ധതി കുറുവ, മൂര്‍ക്കനാട് പഞ്ചായത്തുകളില്‍ വിജയകരമായി നടത്തിയിരുന്നു.