ശ്രീനഗര്‍: ജമ്മുകശ്മിരിലുണ്ടായ ഏറ്റുമുട്ടലില്‍ ജെയ്‌ഷെ മുഹമ്മദിന്റെ രണ്ട് തീവ്രവാദികളെ സൈന്യം വധിച്ചു.
ബദ്ഗാമില്‍ ഇന്നലെ രാവിലെയാണ് ഏറ്റുമുട്ടലുണ്ടായത്. അഞ്ച് ജവാന്മാര്‍ക്ക് പരുക്കേറ്റു. പ്രദേശത്തുനിന്ന് യു.എസ് നിര്‍മിത തോക്കുകള്‍ കണ്ടെത്തി. കൊല്ലപ്പെട്ട ഭീകരരില്‍ ഒരാള്‍ വിദേശിയാണെന്ന് സൈനിക വൃത്തങ്ങള്‍ അറിയിച്ചു.
പുല്‍വാമയില്‍ ജവാന്മാര്‍ക്കെതിരേയുണ്ടായ ഭീകരാക്രമണത്തെ തുടര്‍ന്ന് ബദ്ഗാമുള്‍പ്പെടെയുള്ള പ്രദേശങ്ങളില്‍ ഇടക്കിടെ ഏറ്റുമുട്ടലുകളുണ്ടാവാറുണ്ട്. കഴിഞ്ഞ 24 മണിക്കൂറിനിടെ മൂന്നാം തവണയാണ് തീവ്രവാദികളുമായി ഏറ്റുമുട്ടലുണ്ടാവുന്നത്. ന
അതിനിടെ ജമ്മുകശ്മിരില്‍ പട്രോളിങ്ങിനിടെ മണ്ണിടിച്ചിലില്‍ സൈനികന്‍ മരിച്ചു.