ദുബൈ: ഒരു മാസം നീണ്ടുനിൽക്കുന്ന ദുബൈ ഫിറ്റ്നസ് ചലഞ്ചിൻ്റെ എട്ടാമത് എഡിഷനിൽ പങ്കെടുക്കാനുള്ള ഓൺലൈൻ രജിസ്ട്രേഷൻ ആരംഭിച്ചു. ഒക്ടോബർ 26 മുതൽ നവംബർ 24 വരെയാണ് ഫിറ്റ്നസ് ചലഞ്ച്. സ്വദേശികൾക്കും വിദേശികൾക്കും ഫിറ്റ്നസ്  ചലഞ്ചിൽ പങ്കെടുക്കാം. 

dubaifitnesschallenge.com വെബ് ലിങ്കിൽ പ്രവേശിച്ച് രജിസ്ട്രേഷൻ നടപടികൾ പൂർത്തിയാക്കാം. ആരോഗ്യകരമായ ജീവിത ശൈലി പ്രോത്സാഹിപ്പിക്കുക എന്ന ലക്ഷ്യത്തോടെ ദുബൈ കിരീടാവകാശിയും ഉപപ്രധാനമന്ത്രിയും പ്രതിരോധ മന്ത്രിയുമായ ശൈഖ് ഹംദാൻ ബിൻ മുഹമ്മദ് ബിൻ റാശിദ് ആൽ മക്‌തൂം 2017ൽ ആണ് ദുബൈ ഫിറ്റ്നസ്ചലഞ്ചിന് തുടക്കം കുറിച്ചത്.

ഒരു മാസം നീണ്ടു നിൽക്കുന്ന 30 മിനിറ്റ് വ്യായാമത്തിന് സമയം ചെലവഴിക്കുകയാണ് ചലഞ്ചിൽ പങ്കെടുക്കുന്നവർ ചെയ്യേണ്ടത്. നടത്തം, ടീം സ്പോർട്സ്, പാഡ്ൽ ബോർഡിങ്, ഗ്രൂപ് ഫിറ്റ്നസ് ക്ലാസുകൾ, ഫുട്ബാൾ, യോഗ, സൈക്ലിങ് തുടങ്ങിയവ ഇതിന്റെ ഭാഗമായിരിക്കും. കൂടാതെ ദുബൈ റൺ, ദുബൈ റൈഡ് എന്നിവയും സംരംഭത്തിന്റെ ഭാഗമായി നടക്കും. ലോകത്ത് ഏറ്റവും കൂടുതൽ പേർ പങ്കെടുക്കുന്ന ദുബൈ റൺ ഏറെ പ്രശസ്തമാണ്. ഭരണാധികാരികൾ ഉൾപ്പെടെ പ്രമുഖരാണ് ദുബൈ റണ്ണിൽ പങ്കെടുക്കാൻ വന്നെത്തുക.

കൂടുതൽ ഗൾഫ് വാർത്തകൾക്ക് ഈ ഗ്രൂപ്പിൽ ജോയിൻ ചെയ്യുക