തിരുവനന്തപുരം : എഡിജിപി എം ആര്‍ അജിത്ത് കുമാറിനെതിരായ ആരോപണങ്ങളിലുള്ള ഡിജിപിയുടെ അന്വേഷണ റിപ്പോര്‍ട്ട് ആഭ്യന്തര സെക്രട്ടറിക്ക് കൈമാറി. റിപ്പോര്‍ട്ടില്‍ എഡിജിപിക്കെതിരെ പരാമര്‍ശങ്ങളുണ്ടെന്നാണ് സൂചന. എഡിജിപി ആര്‍എസ്എസ് കൂടിക്കാഴ്ച പിവി അന്‍വറിന്റെ ആരോപണങ്ങള്‍ എന്നിവയെകുറിച്ചാണ് പരാമര്‍ശമുളളത്. 

പിവി അന്‍വര്‍ ആരോപിച്ച റിദാന്‍, മാമി കേസുകളില്‍ പൊലിസിന് അന്വേഷണ വീഴ്ചയുണ്ടായെന്നും, റിദാന്‍ കേസിന്റെ അന്തിമ റിപ്പോര്‍ട്ടില്‍ അന്വേഷണ ഉദ്യോഗസ്ഥര്‍ക്ക് വീഴ്ച സംഭവിച്ചുവെന്നും, കേസിലെ ആദ്യ ഘട്ടത്തില്‍ അന്വേഷണ വീഴ്ചയുണ്ടായെന്നുമാണ് റിപ്പോര്‍ട്ടിലുളളത്. ഈ രണ്ട് കേസുകളും ക്രൈം ബ്രാഞ്ചിന് കൈമാറിയിട്ടുണ്ട്. മുഖ്യമന്ത്രിയെ നേരിട്ട് കണ്ട് ഡിജിപി റിപ്പോര്‍ട്ടിലെ കണ്ടെത്തലുകള്‍ ധരിപ്പിക്കും.

 Explore the latest update on DGP's report concerning M.R. Ajith Kumar, submitted to the Home Secretary, revealing intriguing details including an alleged RSS meeting.