തൊടുപുഴ: എം.എസ്.എഫ് ജില്ലാ കമ്മിറ്റിയുടെ നേതൃത്വത്തില്‍ തൊടുപുഴ ഡി.ഡി.ഇ.ക്ക് അവകാശ പത്രിക സമര്‍പ്പിച്ചു.
പത്താം തരം പാസായ എല്ലാ വിദ്യാര്‍ഥികള്‍ക്കും ഉന്നത വിദ്യാഭ്യാസ സൗകര്യം ഉറപ്പുവരുത്തുക, ജില്ലയിലെ യാത്രാ പ്രശ്‌നങ്ങള്‍ പരിഹരിക്കുക തുടങ്ങിയ ആവശ്യങ്ങളാണ് അവകാശ പത്രികയിലുള്ളത്. എം.എസ്.എഫ്. സംസ്ഥാന സെക്രട്ടറി സല്‍മാന്‍ ഹനീഫിന്റെ നേതൃത്വത്തിലാണ് അവകാശ പത്രിക സമര്‍പ്പിച്ചത്.
ജില്ലാ പ്രസിഡന്റ് കെ.എം.അന്‍വര്‍, ജനറല്‍ സെക്രട്ടറി മുഹമ്മദ് ഷെഹിന്‍ഷാ, ജില്ലാ ഭാരവാഹികളായ അനസ് പി.ബി, സല്‍മാന്‍ എസ്.എ, ആശിഖ് റഹിം എന്നിവര്‍ പങ്കെടുത്തു. ഡി.ഡി.ഇ യുടെ അഭാവത്തില്‍ അഡ്മിനിസ്‌ട്രേറ്റീവ് അസിസ്റ്റന്റിനാണ് അവകാശ പത്രിക കൈമാറിയത്.