ബദിയഡുക്ക: കടയില്‍നിന്ന് വാങ്ങിയ മുളകുപൊടി പായ്ക്കറ്റില്‍ ചത്ത പല്ലിയെന്ന് പരാതി. മാന്യ മുണ്ടോട്ടെ ഒരു കടയില്‍നിന്ന് വാങ്ങിയ മുളകുപൊടി പായ്ക്കറ്റിലാണ് ചത്ത പല്ലിയെ കണ്ടെത്തിയത്.
മാന്യയിലെ അപ്പു നായക് എന്നയാള്‍ വാങ്ങിയ 100 മില്ലിയുടെ ഒരു പാക്കറ്റ് മുളക് പൊടി പാക്കറ്റിലാണ് ചത്ത പല്ലിയെ കണ്ടെത്തിയത്. വീട്ടിലെത്തിയ അപ്പു പാക്കറ്റില്‍നിന്ന് മുളക് പൊടി മറ്റൊരു പാത്രത്തിലേക്ക് മാറ്റുന്നതിനിടയിലാണ് പാക്കറ്റില്‍ പല്ലിയെ കണ്ടത്. മുളക് പൊടി പാക്കറ്റും ചത്ത പല്ലിയെയും ആരോഗ്യ വകുപ്പ് അധികൃതര്‍ക്ക് കൈമാറി. അന്വേഷിച്ച് നടപടി സ്വീകരിക്കുമെന്ന് ആരോഗ്യ വകുപ്പ് അധികൃതര്‍ അറിയിച്ചു.