മുക്കം: സമന്വയ വിദ്യാഭ്യാസ മേഖലയില്‍ പ്രവര്‍ത്തിക്കുന്ന കാരമൂല ദാറുസ്വലാഹ് ഇസ്‌ലാമിക് അക്കാദമിയുടെ ഇരുപതാം വാര്‍ഷിക പരിപാടികള്‍ക്ക് നാളെ തുടക്കമാകുമെന്ന് ഭാരവാഹികള്‍ വാര്‍ത്താസമ്മേളനത്തില്‍ അറിയിച്ചു.  നാളെ വൈകിട്ട് അഞ്ചിന് വി.ഇ മോയിമോന്‍ ഹാജി പതാക ഉയര്‍ത്തും. ഏഴിന് നടക്കുന്ന മാപ്പിളകലാ സദസ് സി. മോയിന്‍കുട്ടി ഉദ്ഘാടനം ചെയ്യും. അഹമ്മദ് കുട്ടി മൗലവി മാവണ്ടിയൂര്‍, കെ.എന്‍.എസ് മൗലവി തിരുവമ്പാടി, ബാവ മൗലവി കൈപ്പുറം, കെ.എസ് മൗലവി മുണ്ടക്കോട്ട് കുറുശി, സി.എ മൗലവി എന്നിവര്‍ നേതൃത്വം നല്‍കും.
തിങ്കളാഴ്ച വൈകിട്ട് നടക്കുന്ന മജ്‌ലിസുന്നൂര്‍ സംഗമം പാണക്കാട് സയ്യിദ് അബ്ബാസലി ശിഹാബ് തങ്ങള്‍ ഉദ്ഘാടനം ചെയ്യും. ഷാജഹാന്‍ റഹ്മാനി കമ്പളക്കാട് മുഖ്യപ്രഭാഷണം നടത്തും. ഒളവണ്ണ അബൂബക്കര്‍ ദാരിമി നേതൃത്വം നല്‍കും. ചൊവ്വാഴ്ച വൈകിട്ട് നടക്കുന്ന മതപ്രഭാഷണം പാണക്കാട് സയ്യിദ് ഹാരിസലി ശിഹാബ് തങ്ങള്‍ ഉദ്ഘാടനം ചെയ്യും. അന്‍വര്‍ മുഹ് യുദ്ദീന്‍ ഹുദവി ആലുവ പ്രഭാഷണം നടത്തും.
ബുധനാഴ്ച വൈകിട്ട് ഏഴിന് നടക്കുന്ന സമാപന സംഗമം സമസ്ത പ്രസിഡന്റ് സയ്യിദ് മുഹമ്മദ് ജിഫ്‌രി മുത്തുക്കോയ തങ്ങള്‍ ഉദ്ഘാടനം ചെയ്യും. കെ. ഉമര്‍ ഫൈസി മുക്കം അധ്യക്ഷനാകും.
വാര്‍ത്താസമ്മേളനത്തില്‍ ഉമര്‍ ഫൈസി മുക്കം, സലാം ഫൈസി മുക്കം, മാനേജര്‍ നടുക്കണ്ടി അബൂബക്കര്‍, പി.കെ അബ്ദുല്‍ ഗഫൂര്‍ മുസ്‌ലിയാര്‍, നവാസ് ഓമശ്ശേരി, പി. അലി അക്ബര്‍ സംബന്ധിച്ചു.