പുല്‍പ്പള്ളി: മുള്ളന്‍കൊല്ലി ഗ്രാമപഞ്ചായത്തിലെ എല്‍.ഡി.എഫ് അംഗം ബി.ജെ.പിയിലേക്ക് ചേക്കേറുന്നു. പതിനാറാം വാര്‍ഡിലെ പാളക്കൊല്ലിയില്‍ നിന്നും വിജയിച്ച ഷെല്‍ജന്‍ ചാലക്കലാണ് ബി.ജെ.പിയില്‍ ചേര്‍ന്ന് പ്രവര്‍ത്തിക്കാന്‍ തീരുമാനിച്ചതായി വാര്‍ത്താസമ്മേളനത്തില്‍ പ്രഖ്യാപിച്ചത്. കേന്ദ്രസര്‍ക്കാര്‍ നടപ്പിലാക്കിവരുന്ന ജനക്ഷേമകരമായ പദ്ധതികള്‍ വേണ്ടവിധത്തില്‍ നടപ്പിലാക്കാന്‍ ഇപ്പോഴത്തെ ഭരണസംവിധാനത്തിന് കഴിയില്ലെന്ന തിരിച്ചറിവുമൂലമാണ് താന്‍ ബി.ജെ.പിയിലേക്ക് പോകുന്നതെന്നാണ് ഷെല്‍ജന്റെ അവകാശവാദം.